Bulkytrefill -Fréttatíminn

I dag er viðtal við mig í jólablaði Fréttatímans.  Ég var beðin um að koma með  uppskrift  og í stað þess að leggja til mataruppskrift... legg ég til prjónauppskrift.

Sendu mér línu ef þig langar í uppskriftina á pdf.
hallaben@me.com

Haust
Garn 200 gr Bulky Lopi Stærð ca 30cm x 2 m Prjónar nr 20

Trefillinn er prjónaður fram og til baka.
Fitja upp 15 lykkjur á pjóna nr 20 með Bulky Lopa. 1.umferð: Prjónið 1 lykkju slétt, *slá upp á og prjóna 2 lykkjur slétt saman*. Endurtakið *-* út umferðina.
2. umferð: *Prjónið 2 slétt saman og slá upp á*. Endurtakið *-* þar til 1 lykkja er eftir á prjóninum, prjóna 1 lykkju slétt.
Endurtaka umferð 2 þar til prjónalesið mælist ca 2 metrar (sjá mynd af munstri). Fella laust af.

Kögur
Hver þráður er ca 40 cm langur. Leggið þráðinn tvöfaldan frá
miðju, þannig að það myndast lykkja. Dragið lykkjuna í gengnum kantinn á teflinum, ef til vill með hjálp frá helklunál og dragið þráðinn í gegnum lykkjuna og herðið. Klippið kögrið þannig að það verði jafnt.